مصباح المهدى: هالة من النور | ورقة شعر



هالة من النور | قصيدة 

مصباح المهدى


شايفاني فرز ماهوش أول؟
شايفاني فرز ماهوش تانى؟
الخيبة ان انا صدقتك
وانا من هدد روحي خلقتك
ترمينى زى ماترمي شطان
رجيم في منسك حج بطوب
أنا مش شطان ولاحجك تم
أرجو اللي بيتة قزاز يتلم
جايز اكون اسمر نوبى
أو م السودان أو أثيوبى
جايز اكون أسمر م الخوف
على البيضان تفقس أفعى
القشرة مش نافعة الحيوان
بدفعة يتحول إنسان
أسمر مانيش قلقان مني
فرحان أنا بقمحي المبدور
ورا كل سور هالة من النور
قال لى ف منى شيخ حيدر شاه
بعد الصلاة إن انا هندى
عمرى ماامثل دور افندى
وابان عبيط لكن داهيه
أسمر لونين شتوي وصيفي
تسبغني شمس الصيف بني
تبريني نسمة صيف شاعر
تهديني صرخة جوع غنوة
تغسلني من جوه بمعنى
انى اعود عيل تاني
مغسول انا بعطر جناني
أسمر سوداني ومتحمص
وعمري مافردت ملاية
خارجة الحروف م البرُّاية
شاربة الحروف من دمّي الحار
أسمر سمار ماعجبكيشي
ماهتشليش شئ مش عايزاه
خلقني ويُّا الخلق الله
زايد مانيش ناقص حاجة
زايد وعهد الله حاجة
رغم العوز رغم الحاجة
ف دماغي برميل خمر عتيق
وف قلبي مستنيني صديق
ف الضيق معايا دراع بدراع
أسمر ماهوش للبيع قلبي






الإبتساماتإخفاء

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه