ياسمين حسن: الضعف هو..؟




الضعف هو..؟

بقلم: ياسمين حسن

المرة دي هنتكلم عن الضعف.. علشان كده مش هنتكلم كتير..
إيه.. كل واحد فينا له نقطة ضعف ممكن تخليه يقرر شئ ويرجع فيه تاني.. عنده شئ بيكتفه ..بيكون إيدك اللي بتوجعك ومش هتقدر تقطعها.. ساعتها ألف واحد هيمسكها ويضغط ع الوجع .. لازم تبقى عارف ده، لأن الصدمات اللي هتجيلك منها هتوجع اكتر من وجع إيدك..
الضعف مش عيب ..
الضعف مش مرض أو ظروف حياة، أو أي شئ ممكن يخلي موقفك ضعيف في شئ .. الضعف الحقيقي هو تعرية الوجع وتجريدة بشكل غير إنساني من الناس اللي مفروض أنها قريبة ..
احساسك بأنك ضعيف والطرف التاني مش مقدر ده وبيضغط عليك ده بيساعدك أنك تفقد احساسك بأيدك اللي بتوجعك .. بس بيخلق وجع تاني أصعب وأقوى .. وبيخليك تشوف الحاجات بشكل أوضح بكتير ..
الوجع مش بينتهي.. بس ممكن نخليه مش نشط لو ادينا فرصة نسمع ونحكي.. مش نضغط ..
الوجع هيمشي ويتلاشى.. بس أنت هتتمنى أنه يفضل..
بدل ما يروح ويتولد وجع أكبر من ناس أعز على قلبك..





شارك المقال

فيس بوكتويترجوجل +


الإبتساماتإخفاء