عمرو قطري: كسـرة


كسـرة 


شعر: عمرو قطري

رغم ان الوجع عشش فوق البيبان
رغم ان العنكبوت جبان
مبقاش بيهرب من اللقا
ولا يرمى نفسه فى الهوا
يقع يموت
رغم انى البكا ماكنش له صوت
و ايامى دُعا و سجود
معاكى بكون كفيف مسنود
على كتفك تساندينى
تنادينى تعدينى لحضنك
ثم ترمينى و تروينى
انبت عشق تهوينى
و انساكى اعيش الدنيا جواكى
و القاكى ما تلقينى
و انساكى ما تنسينى
ياريت القلب كان بيساع
بشيلك فيه .. تعاندينى
بفارقك ليه تناجينى
مناجاتك ماهيش واصلة
وببعد بس من الحسرة
وباخد من اللقا ذكرى
و ياخدنى الزمن عسرة
و بكدب بس بالفطرة
 اقول ناسى على فكرة
بحبك تحتها كان فيه
فى يوم ..  كسرة


شارك المقال

فيس بوكتويترجوجل +


الإبتساماتإخفاء