مصباح المهدى: سامى محجوب | ورقة شعر



سامى محجوب | قصيدة

مصباح المهدى 


قلم للشعر ماسكة فى إيد
ورولّا ف إيد
وبينهم شهد ومحمد
تولو رسم خارطة الفرح بالعيد
قلم نفس القلم يكتب مقايساتك
ايمان بالله
عِلي فوق ضهر ماساتك
رضا وسلام
أكيد لو عاندت الاحلام
هتتفسر ف وشك بسمة الأحلام
جناين بسمة ريانة
ملامح واصفة وش الخير
تفوت ترمى صباح الخير
تفوت ترمى صباح الخير
على العامل
على البنا
على ترس ف عجل مشاوير
قصايد خام
بتتشكل فى وجدانك
ويعلى سقف بوص البيت وإيمانك
ويكبر فى الولد والبنت إنسانك
هنا الشعر اللي لازم نكتبه مكتوب
ف بيت جدارنه مش من طوب
ف روح بتقًطّر البسمة نفس محبوب
ف إيد تعطي اللي مش عاطياه سحابة لرمل
نفسه التلج مرة يدوب
اذا كان اقتراح ع الدنيا
إن الشعر يتنزل مطر ف الصيف
وطيف فوق ضهر سقالة
يجيب من سقف ملح رغيف
وكسوة نجيبها م الباله
تقاوم برد بعد خريف
وتلبس توب
وتقلع توب
وتتحصل يادوب
على نص برشامة رضا
بالقسمة والمكتوب
تكح تراب وبتغني
وبتمني العيال بالسلم
طرح حروب
أكيد سامى
ومش ممكن تكون محجوب
قصايد شعر تفضحنا
وتفضح شعرنا المكذوب
إذا كان إقتراح الشعر
إنه يمس حس قلوب
هنا الشعر اللى لازم نكتبه مكتوب
على السقّالة بالرولّا
وهمس المسطرين للطوب





الإبتساماتإخفاء

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه