حروف أبجدية : سامح الجنايني - شعر




حروف أبجدية 

بقلم: سامح الجنايني


أول سؤال ف الحب إجباري
بما إني عاشق لون عنيكي السود 
تبريري كان ب اجابتي كالتالي
ثمرك مزين آخر  العنقود
جارح اوى رمشك يا بنت الزين
حالف ل نن عنيكي الف يمين
خدتيني مني ازاي ف غمضه عين
 دبيتي ف قلوعي اللي دايبه حياه
ذهب اللي باقي من بواقي الليل
رفرف ف اقطار السما كروان
زمزأت لما سمعت يومها  دعاه 
سايق عليكي المعشقه و الشوق
شرياني ف بعادك بيشجب دم
صبيلي إكسير الحياه ف كاسك
ضميني ليكي و تمتمي بشويش
طبت ف موازين السما كفافك
ظلمة كسوف شمسك بتقلب ضي
علمتي قلبي يحب لو شافك
غربتي بينه و بين نساء الحي
فنجالي شارب قهوة من بُنّك
قلبي اللي نايم جوا احضانك
كَبَر باسم الله ف ودن ضناه 
لبيك عمري و روحي علشانك
محرابي كان شطرك ف صلواتي
نحر الدبايح ليكي كان قربان
هادر انا فيكي كما الشلال
ولت عيوني من وميض البرق
يا ايها السائل عن الاحوال






شارك المقال

فيس بوكتويترجوجل +


الإبتساماتإخفاء