محمود نبيل العيساوي: عاشق






ربما الشعر اتكسف 

لما اتكشف 

سر انتظار روح الرومانس وحبكته 

وأنا والهوى 

مش زي أي نسيم بيحضن سكته 

يسقط كل عشاق الزمن 

أنا للغرام ثورة 

عاشق بيهتف في الميدان 

كاسر كسور الروح ، وفلسفة الرصيف

عنتر وعبلة وقيس وليلى وروميو وتايتنك 

إلا غرامي

في الابتزال والجهل وغراب الوطن 

لامم جروح البوح ،  وعشاق الرغيف 

نص الرسالة الحية في سطوري 

في شعوري 

بتضحك ,  يظهر التالي : 

أنا ثورة ضد المغرمات 

إلا حبيبتي 

تشبه عروس الشعر 

بنية بتسكن الرحلة 

حنان الشمس 

وراحة البال 

نسيم البحر 

ربيع الورد 

سلام الدنيا للدنيا 

فكيف أوصف 

براح الضيق 

ونور الضلمة في الضلمة 

وتمسكلي زمام الروح 

كفاية الريق 

بيغرق في العسل والخمر 

كفاية لما تقراني 

بتقراني 




شارك المقال

فيس بوكتويترجوجل +


الإبتساماتإخفاء