مصباح المهدى: طالع | ورقة شعر



طالع | قصيدة


مصباح المهدى



طالع ف الغيط بنايه
إنته لوحدك حكايه
ناصب ف البيت ميدان
الحزن أرميدان
والمستقبل تعلّة
الحاضر نصّة جله
والتاني فرط خوف
يافرط للظروف
مفتاح يفتح بيبانها
يكسر حروف سنانها
يلعن أبو الظروف
إنت إرتضيت تسّلم
للغولة تحط سلّم
فوق ضهرك للسطوح
الغولة تحط سقفك
تنفد يادوب بكتفك
وبره تسيب دماغ
منهوب من الفراغ
داير رحى وطحين
بكرة الذى يحين
لايدخل الجحور
مستنى لسة دور
تحلم أكيد بتحلم
ومقضيها إحتلام
تقول كما يرام
والدنيا جايبة جاز
لافرق بين مجاز
عايشه ومجاز قصيدتك
قصيدتك إنت بس
نص التبس عليهم
عليهم الطلاق
منك ومن جنونك
نقط نقط نزيف
فيروز مع الخريف
وينن وكيفك إنت
ضغط الاسى ياريت
إنت وانا بالبيت
شى بيت أبعد بيت
لمّي اللي باقي مني
في حضنك ابعثيني
لميني اقول آمنت
يخرج من السمّنت
بكرة اللي شك فيه
يخرج من السّفيه
أنا اللي مش سفيه
أنا اللي لسه فيه
قدرة على الحياة






شارك المقال

فيس بوكتويترجوجل +


الإبتساماتإخفاء