محمد أبو نعمة: زي حضنك - شعر





محمد أبو نعمة: زي حضنك - شعر


زي حضنك
محمد أبو نعمة
أى عمر اتعاش ف بعدك ...
ف الحقيقه مايتحسبش ...
كل حب اتحب قبلك ...
حب صعب وماتفهمش
وانتى حبك شئ مثالى
مش مزيف او خيالى
عارفه وانتى معايا دايما
ببقى شايفك ايه ف بالى
زى حضنك ليا لما  ..
ببقى مقتول م العياط ..
زى أول مره ليا ...
فيها أحس الارتباط ..
زى كل شعور برئ
زى كلمة تبل ريق
انتى كل براح بروحه
لما كل الكون يضيق ..
إنتى لمسة ايد تطمن
حد كان خايف يعيش
إنتى أجمل ذكرى ليا
ف عيشى فيا ماتتنسيش
انتى راحة حد خاف
انتى عين كل اللى شاف
انتى عديتى بمراحل
معنى كلمة الاختلاف ....!!