احمد الشيخ: وش وضهر



 وش وضهر - شعر 



بقلم: أحمد الشيخ 



شارع مفهش مقام
ازاى تسكنه المجاذيب
ماالقلب له أحكام
والفطره ليها نصيب
فيكى الدقايق تضايق
امتى الساعات هتطيب ؟!
وازاى عاوزانى انساها 
متزعليش ماهى هياها
“2”
وإنتى يابلد ياللى الولد حبك
ف كل كلامه اسمك اتشبك
ولما كبر ومعاه همومه ف هدومه
بعد بُعدك عنه إستنظرك
يوماتى يبات يتخيل منظرك
ف حضن جلاده وهمومه نسياها
ميزعلشى عشان هى هياها
“3”
قادر يافجر تسود
تمحى الضلام ع العود
وجع المقهورين غنوه
متطربشى اللى غناها
ميحزنشى لان هى هياها
“4”
السيد المحترم حظنا
فضلا إبتسم كفياك
وحياة أبوك تنسانا
ياتسيبنا اللى ننساك
مش معقوله احنا
اللى دايما منتطمنش
ويوم مانلعب
ورقنا اللى ميضمنش
ولمانفتح شباك على
روحنا نلقاها
قافله وش وضهر
ندوس خطوه
لطموحنا ننساها
بعذاب الفقر
منزعلشى ماهى هياها