ولاء الدين فاروق: ارسم طريقك - شعر





 ارسم طريقك - شعر 

 ولاء الدين فاروق


و لو فاكر عشان تنجح 
طريقك يبقا كله ورود 
ف ركز فيه بلاش تسرح 
هتبقا بالنجاح موعود 
طموحك يبقا ملهوش حد
و لا تبصش لايُها حد 
و خليك ف الخُطا واثق 
و إسمع مهما كان النقد 
و متكونش ف صفوف الناس 
يدوب واحد كدا و خلاص 
تكون دايما هنا و هناك 
تكون .. و الكل يجى وراك 
و مهما كانت الغيره 
و مهما جابو من سيره
فأوعى تصيبك الحيرة
دا أنت .. نجم الشِبْاك
و قول هوصل .. أنا ايوا 
و مهما قابلت من قسوه
كلام .. و مكنش مترتب
لكنى كتبته و اترتب 
و جالى بجد على سهوه 
و أنا قاعد على القهوة




شارك المقال

فيس بوكتويترجوجل +


الإبتساماتإخفاء