ورقة وصل مع الكاتبة سمر أبو النجا











الاسم : سمر محمد مصطفى ابوالنجا  

  الميلاد: 13/8 / 1976   

المحافظة : القاهرة 

الدراسة: مرحلة المدرسة كنت فى مدرسة نوتردام ديزابوتر / اما الجامعة كانت جامعة حلوان كلية تجارة خارجية شعبة محاسبه 

بدأت كتابة من امتى ؟ 

من المرحلة الاعدادية 

مين اكتشف موهبتك؟ 

مدرسى الرياضيات بتاعه اختى الى الاصغر منى لانها شافت حاجه على مكتبى وقرأتها وهى اول حد شجعنى انى استمر وقالتالى ان مجلة روزاليوسف عاملة مسابقة للقصة القصيرة( لسنك )
اكتبى قصة قصيرة واعمليها 3 نسخ وانا هقدملك بنفسى .

  مين اول حد قرأ ؟

طبعا بعد اول تجربة ليه مع القصة القصيرة كانت امى هى اول حد قرئلى
 حاجة كتبتها وكانت بتتكلم عن اية ؟

بعد ما كتبت القصة القصيرة التى كنت أأمل انها تدخل المسابقة لروزاليوسف الى كانت بتتكلم عن قصه عن الادمان وازاى الدلع الزياده كالقسوة الزياده وادى بفتاة القصة للادمان وسرعا ما تداركت خطأ وسعت لاصلاحه 

 وقت ما كتبتها كان ايه الدافع جواك ؟ 

كان ساعتها الدافع انى ادخل المسابقة واكسب ولكنى لم يحالفنى الحظ وادخل المسابقة 

 حد شجعك وواقف جمبك وبيحفذك ؟

امى ومدرسة اختى ورغم حب والدى لى الا انه كان يشجعنى على الرسم فقط  مع انه كان يحب تدوين الحكم وكان فصيح اللسان مثقف 

 فى اشخاص نقدوك واستفدت من نقدهم وكان بناء؟

اكيد فى نقد بناء ونقد هدام 
الى اثر فيه فى ذاك الوقت النقد الهدام حيث انى كنت فى مقتبل العمر 
وادى ذالك الى انى اتوقف عن الكتابه فترة ليست بقليلة
 مسابقات شاركت فيها و فوزت فيها ؟

بعد ما ضاقت بى السبل لالتحق بمسابقة روزاليوسف قدمت لم أيأس وقدمت نفس قصة المسابقة فى مسابقة القصة بالمدرسة وفازت بالمركز الاول للقصة واتذكر انى اخدت هدية رمزية من مديرة المدرسة احتفظ بها الى الان .

  شهادات حصلت عليها ؟

لدى شهادات تقدير من المدارس للثلاث مراحل التعليمية 
فى حفظ القرأن / الاذاعة المدرسية / نشاطات اخرى مثل الرسم 

شاركت فى اصدارات سواء جماعية او فردية قبل كدة غير اصدارك الحالى مع زحمة كتاب ولا لا ؟

لا للاسف 

 هل قمت بالكتابة مرة اخرى بعد المرة التى فزت فيها بجائزت القصة ؟ 

فقط فى المرحلة الجامعية عندما تحدانى احد زملائى انى استطيع كتابة شعر قولت له مش هعرف قالى هتعرفى استشعر فيك الحس الفنى 
وقد كان انى كتب ما اسمية انا خواطر ذو قافية ولا اعتبرها غير ذلك 
لانى اؤمن بالتخصص وانى كى اخوض هذه التجربة يجب ان اكون على درجة عالية من التمييز اللغوى 

ليه اخترت زحمة كتاب عشان تنشر معاها اصدارك ؟

لما توسمت غيها من جهد وتمييز وروح الحب والعمل المتألق 

 اسم روايتك او ديوانك مع زحمة كتاب وليه اخترت الاسم دة ومعناه ايه ؟

الحقيقة هى مش رواية هو كتاب متخصص لتنمية المرأة المعاصرة والعربية بشكل عام واسم كتابى (كونى سبايسى) ومعناه دعوه لكل امرأة ان تكون ذو نكهة خاصة جدا ومميزة 

  اخر حاجة كتبتها وبتتكلم عن اية ؟

اخر كتابتى لن انهيها وهى للمرأة ايضا 

  ايه الطقوس اللى بتحب تكتب فيها ؟

كاعادة كل الكتاب احب الهدوء لكى ابدع ولكن ما هو ليس كباقى الكتاب 
انى اتميز فى حالات الشجن بل دعينى اكون اكثر دقة فى حالات الانكسار 
لانى لا اريد تلك اللحظة فلكى اخرج منها بقوة ابدع بالتمييز فى الكتابة 

  مواقع التواصل الاجتماعى ساعدتك فى تنمية موهبتك ولا لا ؟

جدا مواقع التواصل الاجتماعى والنت كله بشكل عام 

  نفسك توصل لفين فى مشوار الكتابة او الشعر ؟
طموحى ليس له حدود 
الشعر او الكتابة فى نظرك هى موهبة ولا ممارسة ؟

موهبة واحساس عالى 

 وانت ازاى اشتغلت على نفسك عشان تكون احسن ؟ 

انى احب العلم وشغوفة لكل جديد فيه  درسة تنمية بشرية وتتلميذت على يد الدكتور / ابراهيم الفقى وثم بعدة تللميذته المقربين مثل ا احمد قدوس 
وبعدة د/ احمد الاشهب و / دكتورة سمر سعودى 

 بتقرأ لمين ؟

بقرأ الكتاب المميز سواء كان الكتاب لشخصية معروفة او مغمورة 
واقرا فى مجالات شتى 

 وهل اللى بتحب تقرأ ليهم أثروا فيك ولا لا ؟

اكيد اثروا فى ولكن بعد القرأة فى كل مرة يجب ان يكون لى بصمتى الخاصة نكهتى فى الكتابة 
  بتتمنى ايه لنفسك ؟

اكيد اعلى المناصب العلمية والثقافية والتمييز فى مجالى 

 شايف المستقبل ازاى ؟ 

المستقبل بيد الله وانا عندى حسن ظن بالله جميل
 بتخطط لعمل جديد قريب ولا لا ؟

اكيد عمالين قريبا باذن الله 
 هل انت راضى عن نفسك للى وصلت ليه ؟

راضية عن نفسى جدا لانى اعافر فى شق طريقى وسط خضم هائل من المشاكل والظروف الصعب.











شارك المقال

فيس بوكتويترجوجل +


الإبتساماتإخفاء