ولاء الدين فاروق - صدفه


 صدفه 

بقلم: ولاء الدين فاروق


- انتى
* انت
- لسه حلوه
* لسه انت شايفنى حلوه
- فاكره
* فاكر
- سامعه
* سامع
- احلى لحن ..
* احلى غنوه ..
- ذكريااات
* كله فات
- بس ساب احلى علامه
* بس عدى بالسلامه
- قلبى ليه بيدق زى ما كان زمان
* لأ بلاش .. خلى اللقا قد المكان
- عايز اقول لعنيا تشبع من ملامحك .. بطل يا رمشى
* خلينى امشى
- استنى طيب
* هستنى ماااشى .. أنا قلبى طيب
- دايما بحسه منى قريب
* بعدين معاك .. ما خلاص بقا
- انا ما صدقت اللقا
* و انا ما صدقت انى انسى
- يعنى انتى مش حسه ب..
* ارجوك متكملش .. لقانا جه صدفه
- انتى اكيد عارفه انى ..
* بلاش تقول أسباب .. وأنا مش هقول يا عتاب
- سبينى أشرحلك .. خلينى اوضحلك
* يوووه .. مكنتش بقا صدفه
- طب طمنينى عليكى و قوليلى عامله ايه
- قوليلى ايه الاحوال .. شغلك ف اى مجال
- ساكنين ف نفس البيت
- طب ..طب بس عندى سؤال
- ليه بترفضى العرسان .. طب طب قولى ايه الاسباب
- ما تجاوبى ساكته ليه !!!!
- هو انتى اصلا فين !!!!
- ف خيالى عايشه و بس
- كل اللى فات دا سراب



الإبتساماتإخفاء