ياسمين السرجاني - نورلي السكة



نورلي السكة 


ياسمين السرجاني

نوَرلي السكة أنا مش شايف
حاسس جوايا إن أنا تايه 
رافض أستسلم و بعافر 
عكس هوايا 
يمكن بغلط بس أنا عارف
إني راح أتوبلك و تسامح 
و ف عز ما قلبي يكون مكسور 
عارفك راح تجبر بالخاطر 
و ف عز الكرب حاسس بيا
عارفك ف سكوتي بتسمعلي 
مش عارف أتكلم و بلخبط
و كتير مفهمش و تفهمني
يا رب أنا قلبي صحيح اوقات 
بيكون مشغول قوي بالدنيا 
لكن جوايا بالفطرة لقيت
إني مليش غيرك و إنها فانية
و ساعات نَفسي تسوقني شوية
و أجاهدها تقوم تبكي عنيّا 
ع الذنب اللي عملته فضعفي
و أرجع أدعيلك تمحيلي اللي 
ملاكي كتبه عليّا 
و كالعادة بكرر أخطائي 
و أخجل و أنا برفع بإيديا 
أطلب منك تقبل توبتي 
وخايف لا ف مرة ما تقبلها 
بس أنا ظني ف كرمك دايما 
يغلب ذنبي لسنين جاية !


شارك المقال

فيس بوكتويترجوجل +


الإبتساماتإخفاء