إبراهيم صالح - صراع الأجيال





صراع الأجيال 


إبراهيم صالح 


صراع الأجيال في بلدنا صراع مُلفت وخطير 
صراع لازم نكتب عنه وننفخله ميت صفارة تحذير 
ونوجدله ضروري كمان أسباب وأكتر تفاسير  
دا لا كبير حابب بيمد الإيد لصغير 
ولا عايز يسمعله ويديله فرصة يعمل بيها تغيير 
ولا حتى راضي يسيبه يقول ويعبر عن نفسه بتصاوير  
عايز عالطول يمنعه عالطول يكونله في بلده بصمة وتأثير  
شوف شوف كل العواجيز عاملين تحجيز ماسكين سواطير 
بيقولوا ماهو مش عايزين واحد عيل يبقالنا ياعم وزير 
فيه إيه يا ابن السبعين فيه إيه كفاياك سرقة وتهبير 
فيه إيه خلينا ساكتين يا نصاب ويا مجرم دا انت بجد بجد خطير 
جرى ايه ماتسيب ابن العشرين دا ممكن يبقى كبير وكمان يترقى لحد مشير 
متقولش صغير جرى إيه يا كبير بتغير؟
 لأ دا بعينك دا عقله نضيف وكبير 
وكمان دا واد عشرة على عشرة ويفصل منك عشرة وإيده كمان تتلف في سلوفان وحرير 
ستوب أسكت كفاياك تبرير دا إحنا بقالنا ع الحال دا كتير بنقول دا صغير ودا واعي كبير 
دا مفيش تفسير غير التغيير في عقول مليانة تحجير 
مش عايزة تلين بقالها سنين ولا عايزا تتقبل عيشة التطوير 
وإنت يا صاحبي يا جميل يا حليوة يا صغير مابلاش وإياك تنسي التقدير 
 وإن دا مهما كان في الآخر اسمه حد كبير 
حتى إن كان مجرم وحرامي وم المشاهير واكتر واكتر من كدا داهن وشه وشعره بصبغة ومنكير
يعني إحترمه إحترمه خليك أنت اللي تملي تملي ف عيونا كبير .






   






شارك المقال

فيس بوكتويترجوجل +


الإبتساماتإخفاء