نرمين البربرى - اكفينا شر الحب



اكفينا شر الحب


بقلم: نرمين البربرى


واكفينا شر الحب لو يوم يبكينا...
والفجر لو يطلع..
والدمع فى عينينا...
والجرح والجارح...
وليل كمان دابح...
ارزقنا بس الاكتفاء عن كل ما يوجع...
وحبيب شاطر فى وجع القلب...
فكر فى يوم يرجع...
والشمس لو تكشف جروحنا...
ارزقنا بس طبيب قوى...
يداوى روحنا...
القهوة كانت كل مرة مسكرة...
المرة دى المر بان فى طعمها...
ماإحنا أما بنحب بيصيبنا العمى...
ونفوق بشوق بعد الحقيقة المؤلمة...
عارف يارب أنا كنت بستنى الميعاد...
والليل ينادى كل يوم يلا البعاد...
وإيديا تنده باللقا...
مابقاش فاضلى منها غير الاشتياق...
وكام قصيدة كتبتهم بدمع عينى...
مأعرفش حتى انها..
هتحفر حروف اسمها
بنبض قلبى وف سنينى...
بحر الدموع حالف فى يوم مايجف...
حتى الجروح حالفه كمان ماتخف...
أنا قلبى شاب ع البعد لما جانى...
قمر الليالى حبيبى غاب...
ساب قلبى وحدانى...
أمانة ياليل عدى على الهادى...
أنا جرحى مش هيلم..
طول ماانت بتنادى...
اكفينا شر الخنقة والضيقة ووجع البال...
الحظ كان صاحبى وف ليله..
أهو مال...


الإبتساماتإخفاء

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه