إبراهيم صالح - بطل تعمل نفسك فاهم



بطل تعمل نفسك فاهم 

إبراهيم صالح 




نصيحة أساحبي

 بطل تعمل نفسك فاهم وإنت منتش فاهم 
نصيحة أساحبي 

أصل العالم من حواليك فاهمك فاهم إنك منتش فاهم  
وإنك لايص وكمان حايس 

يعني بلاش تشتري ببلاش 

وتعيش عيشة الحشاش 

فاهم ولا منتش فاهم 

أجمد واهرب م الدايرة من جوه النقطة الحايرة
وإبدا تاني تعيش من تاني حياتك من غير كعبلة مـــــــــــــــــــــــرة 
فاهم ولا منتش فاهم 

  إعملها وخليك ناجز ديه حكاية بسيطة ده لو عايز 
صدقني أنا قلقان جدا وعليك خايف جدا جدا لتكون فاكر نفسك فايز 
فاهم ولا منتش فاهم 

يا حبيبي شوف العالم كله إزاي طالع يجري دا بأه عامل زي القطر المجري 
  وانت لساك بتلف وبتدور آه  دا لو كنت بجد ومش مغرور كنت ضروري 
لحقتها من بدري
فاهم ولا منتش فاهم 

كفاياك غنى وشعارات  كفاياك كتر كلام وحكايات 
دا إنت ضروري تفكر فيها طول الأوقات إزاي هتعوض كل اللي عليك عدى واللي عليك فات  
فاهم ولا منتش فاهم 
نصيحة أساحبي  



   

شارك المقال

فيس بوكتويترجوجل +


الإبتساماتإخفاء