ياسمين حسن - خليك فى حالك




خليك في حالك 


ياسمين حسن


خلينا متفقين أن مواقع التواصل الاجتماعي واخدة حيز كبير من وقتنا يوميا فعلشان كده كل الأخبار والجديد بنعرفه مثلا من موقع face book 

فلما ابدأ يومي بظاهرة جديدة لازم بصراحة اقف شوية واتكلم ..
بعض الظواهر دي بتستفز بعض الناس ومنهم مثلا ..

- بنت تجيب صور بنات لابسه حجاب وفستان طويل وتقول؛ ليه كل البنات مش بتلبس كده !!؟

طيب حضرتك عاوزة تلبسي كده براحتك طبعا بس ايه علاقتك بباقي البنات !

مش بس كده دي بتقترح على عمرو دياب انه يجيب موديل في الكليب الجديد يكون لبسها كده . ليه شاغل بالك كده وفري وقتك والله انتي أولى .

- دي بقى هتلاقيها بنت سابت كل اللي وراها ومتفرغة تنصحك بس بالصفات اللي مفروض تكون في زوج المستقبل وتلاقي أغلب كلامها مثلا 

"اتجوزي راجل" الحقيقة انا وقفت عند الجملة دي فترة هو مفروض اتجوز ايه لو مكانش راجل يعني هو ينفع اتجوز بنت يعني فين الإضافة طيب !!

أو مثلا "اتجوزي الحنين" هو مين عارف الشخص المناسب ليا غيري !!

هو ليه الفراغ ده طيب !!

- ودي منتشرة جدا بقى في كل حاجة في أشخاص معينة غالبا موجودين علشان يشككوا في كل حاجة تتقال أي كلمه أي خبر أي جملة أي موقف ده دورهم ومجتهدين ماشاء الله لو بيقبضوا مرتب شهري على التنظير ده مش هيكونوا بالنشاط ده 

الموضوع بسيط جدا كل شخص يلبس اللي يعجبه ويختار الشخص المناسب له ومش لازم تصدق كل اللي بقوله ومش مضطره أجيب إثبات ودليل على كلامي لأن ببساطة مش محتاجة تقييم من أي حد انا عارفه ايه يناسبني ومش لازم نفس الشئ يناسبك فاخليك في حالك وسيب الناس في حالها .


الإبتساماتإخفاء

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه