أصلك ألم - بسنت حسين

أصلك ألم

بسنت حسين

جزء منى بيسمعك
والباقى حالف يرفضك
أصلك ألم
أصلك ندم
أصلك وجع وقت الفرح
وعدتنى .. وقولتلى
أنك دلع أنك هَنا
وهكون معاك مطمنة
وقت الحزن
وعدتنى... وقولتلى
هتكون هِنا
هتكون معايا
وهكون للحزن متفهمة
ولما قررت أنى أسيبك
وعدتنى ... وقولتلى
أنى نصيبك
وانت هتخفى بيا عيبك
وهتكون مصيرى مش لحد غيرى
ولما كنت فى تعب وعدتنى..وقولتلى
أنك فى تعبى هتضمنى
وتصبلى كاس الشفا
من حنانك وهتردنى للحياه
أصلى مليش غيرك
وعلى عكس ما وعدتنى وحلفتلى
طلعت أنت أكبر كداب فى دنيتى
أنت الخداع
أنت الوداع
أنت الألم
اللى أفتكرته من حياتى ضاع
متعتذرش مفيش كلام
يقدر يغطى
عالأوجاع
ومتنكرش مفيش سلام حسيته بعدى
بس هتحس انت دلوقتى اللى حسيته
فى غربتك من
ضياع