شيماء كامل - ‏خد القمر‬



‏خد القمر‬


شيماء كامل 


طرف النخيل بيبوس خد القمر خجلان ..

الصورة عايزة بيان ..

إيه كات دُفُوعه وليه طَوِل أوى ف وَصلُه ؟

جرح القمر سَعَفُه / نزلت دموعه نجوم

طرح النخيل حُزنه أمهات بلون احمر

مسقية من دمه ..

حكم الهوى بينهم

" الوصل له أحكام " :-

- أولهم الرقة يبقى بطيب خاطر

- والتانى بالمعروف والعفو لو قادر

- والوصل مش بالإيد / بالقلب لو شاطر

فهم النخيل غلطُه ، باس الهوى وأرضُه ..

ومد طرفه يبوس ..

خد القمر ..

بَعَدُه !!


الإبتساماتإخفاء