رامي علم الدين - أخر كلامي عنها




(آخر كلامي عنها) 

كلمات: رامي علم الدين 

مابقيتش أحب أروح حته
 ولا حتي أمشي ف الشارع.
ولا أصارع
ذكريات ريحتك في كل مكان
و أنا الانسان 
أنا الغلبان 
طب أعمل إيه.
فلو حبيت ف يوم أخرج 
تاخدني الخطوه تاني عليه
لو حبيت في يوم آكل
لاني جعان
يفكرني المكان بزمان
غريب جداً ودي حالتي
ف عز الحر انا بردان

و ف عز البرد بدفي بتفاصيلك 
وأغنيلك وبحكيلك فيظهر طيفك الفتان
بكون حران
يا زهره جيت انا ازرعها زرعتيني
ولما جيت انا أحييكي قتلتيني 
سقيتك من وريد دمي دبحتيني
حكيتلك مره عن همي 
ف قولتيلي ده ماضي وكان
مفيش م اليوم تبات زعلان
ياريت قبل ما توعدي بقوه
قتلتيني 
وماكدبش اذا قولت انك برضه فيدتيني
فكم الحزن إللي قتل شعري من وحيك
مافيش في الحريم زيك ماليه ألوان
يا صبح وخان
عوضتك عن وجع ماضي ...فخونتيني

الخيانه مش راجل وعشيقه ويا سرير
ولا ثوابت ماتقبل التغيير
الخيانه خيانه ذاد وملح ويا ضمير
مريم كنتي في عيوني بكل نقاء
وحبيبتي للأسف كان إسمها ....
بكل براءه في الضحكه و في الطله
حسيتك وقتها ضله
وبوست ايدك ف اول مره شوفتيني 
اميره كنتي في قلبي
فخونتيني 
نصرتك علي كل البشر ...وللأسف وحدك انتي هزمتيني
وإنسيني
وقولي دي قصه عدي وفات
وألفي عني كتير حكايات
وصدقي نفسك
وخونيها زي ما انتي ف يوم عملتيها
وحبي جديد 
وقوليله انك انتي بتحبيه
وإن لمسه ايده دفا الدنيا
وانك اول مره تحبي كده ف ثانيه
وغنيله 
وإشكيله عن وجع ماضي 
وقوليله ياعوض صبري 
يا احلي ما في عمري
قبلك ماعرفت معني الحب 
ولا كنت ف يوم بتحب 
يا قدري
وماتنسيش تقوليله 
انك عملتي ده عشانه وبس
وإن اول مره قلبك المظلوم بالحب يحس
وأنه عمره ما حيبات زعلان
ضحكتيني في سري 
علي مشاعر 
 راجل غلبان
فاكرك حضن بيت وأمان
وان بس الوحيد إللي عارف نهايه القصه
لأن الفيلم انا عشته قبله زمان



1 comments:


الإبتساماتإخفاء