شيماء كامل - بشوف باللمس‬‬


بشوف باللمس‬‬


بقلم: شيماء كامل


بدوقَك مُر علقم ليه؟واشم الغدر ف القصة 
يا دوب القلب لسه ناسيه 
فراق التوهة والحسرة 
بشوف باللمس أحزانى 
في كل سلام إيدين منك ..
بشوف حكاياتى قُدامي / ويفتن لى عليك دمك
بحس بنيتُه ..بخيبة ..
شايلهالى وانا جمبك 
نوايا الهجر مفضوحة وفايحة مهيش بتتخبى
بريحة كدبه فى الجوابات 
ورعشة حبر محبرته 
ونزف السن من كدبه 
وتبريره لكل نزيف ..نزف من جرحى فى النهايات 
تِنز الروح وانا بلملم ف باقى حكايته م الروايات 
بشوفه ف صفحة مطوية 
ف قلب دراما منسية 
على رَفي اللى زادُه سُكات 
واشوفه ف دمع كارنينا 
وتشتيتها بين القطورات 
واشوفه ف حلمى وانا صاحية 
وانا نايمة ..بشوفه رُفات !!


الإبتساماتإخفاء