داليا سامي - كلام هايفرق معاك

كلام_ها_يفرق_معاك

داليا سامي


-إفرح لغيرك ..آه والله طيب جرب كده تحب لغيرك الخير ومش بس كده؛ جرب تشجع أى حد تلاقيه بيعمل حاجه كويسة سواء لنفسه أو لغيره ، جرب أما تشوف حد ناجح قول له مبروك أو برافو عليك.
و أما تلاقي حد بيعافر مع الدنيا علشان يوصل لحاجة إدعمه وقول له تمام قربت ..هانت عشان يكمل و يوصل.
و أما تلاقي حد يائس انصحه ماتهدوش، قويه ماتضعفوش وخد بإيده.
خليك داعم للناس مش محبط ..خليك انت مصدر الطاقة الايجابية للي حواليك ولو مش هاتقدر تفيد يبقى ماتضرش
ساعد كل اللى حواليك بدعوة حلوة أو كلمة حلوة أو فعل رائع
وخلي دايما اللي يسمع عنك يبقى عاوز يعرفك واللي عرفك يبقى عاوز يكون زيك .. شجعوا بعض.

-
ماتحملش نفسك فوق طاقتك وبرضه جيب آخرك فى اللى بدأته
أيوووووة الجملتين تحسهم متناقضين .. بس ركز شوية هما بيكملوا بعض.
يعنى مثلًا..
و هقول لك مثل على أكتر حاجة معظم الناس بتعيشها
-العلاقات_العاطفية
أما تدخل علاقة هات آخرك فيها وإعمل اللي عليك ومتخليش الطرف التانى يحس انك مقصر ناحيته بس ده مش معناه أبدا إنك تيجي على نفسك ولازم يبقى فى تفاهم وتقدير من الطرفين.
وكل واحد يخفف عن التاني مايضغطش عليه ومش علشان الطرف التاني بيستحمل فتضغط؛ متعرفش آخره فين
عشان كده ماتحملش نفسك ولا اللي معاك فوق طاقتكم وفى نفس الوقت هاتوا آخركم علشان العلاقه دى تنجح.
و للحديث بقية..


الإبتساماتإخفاء

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه