ماركو ملاك - يوميات هريدى


يوميات هريدى 

ماركو ملاك 


الشعر حرام
فى عينيكى حلال
والقلب أهو مال
طب دا اسمه كلام
عن كل بنات الدنيا هاتوب
وهاقضى العمر فى صلاة وصيام
يرضيكى الحال
طب أغنى فى اسمك 100 موال
طب أسهر وأسكر بالأشواق..وأقول مشتاق
وأعدى عليكم تحت البيت
وبعلو الصوت راح أقول حنيت
وأنده على أبوكى وأقوله ياخال
مش شغل عيال
يلزمنى حداكم ..حتة ماس
قدام الناس خد قلبى رهان
ويابوى أنا شارى وغرضى شريف
و برش كالونيا ويعنى  نضيف 
وانى قلبى مشعلل كيف النفط ..
انت يا زفت ..بطل تخاريف 
لا مؤاخذة ياعمى ..انى ما أعرف كيف 
بتك فى وريدى دى صبحت كيف 
طلّت بعينيها من الشباك 
واستر ياحفيظ
دى عيون فراديس وانى مش قديس 
وانى لأجل عيونك بس هتوب ..
انى قولت خلاص هتقول بهواك
وياواد ياهريدى القلب معاك
وياخلق سرحت أانى فى الملكوت
وصحيت على صوت
زى الكروان ..عيقول فى حنان
يا أبو قلب مصدى عديم لإحساس
إياك لتعدى حدانا تفوت
إن شالله تموت مضروب برصاص
عيّل هلفوت
براحة خلاص
ملعون الحب إن كان بيذل
دلعك بارد قلبك بارد ..حاجة تعل
تاكلى جلاكسى  وتشربى بيبسى
وأنى بإيديكى شربت الخل
ليل ونهار ..عالنت تباتى
برضه ليلاتى ..واتس وفيس
وأانى مش قيس
وأانى مش هانكر ..أيوة شاريكى
ومغرم بيكى ..و لأجل ماأراعى  ربنا فيكى
جتلك بيتكم أهو ومن بابه 
بس صحابه ماقدرونيش 
طب راح أقولك كلمة أخيرة
قولتى قديمة ..كلامك عيرة
كل الناس بتقول  أانى حلوة
وأنفع غنوة بصوت فيروز
ياخى قلوب الناس دى حظوظ
 قلب تودّه وهو يبيعك
قلب يودّك وانت تبيعه 
كلّه يا ناس مكتوب ومقدّر 
وأانى مكتوبلى جوة الدفتر
قلبى بيدمع لو شئ مسّك 
قلبك يرفض بيه يتمسّك
وانى مش هسكت 
قلبك يبعد..قلبى يقرب
تبعدى أكتر ..قلبى يحضر
نفسه ويجرى
واد ياهريدى قوام عالبيت
وإزعج وإنده
قول حنيت