داليا سامي تكتب: كلام هيفرق معاك (٤)


كلام هيفرق معاك (٤)
بقلم: داليا سامي

الناس اللي لما بتزعل بتاكل، ولما بتفرح بتاكل، ورابطين حالتهم المزاجية بالأكل، اللي بيخَرَّجوا طاقة غضبهم وحزنهم في طبق مكرونة بالبشاميل أو بطاطس محمرة، ولا بقى اللي بيطلع كل ده في كم هائل من فناجين القهوة، عاوزاكم بس وأنتم بتاكلوا أو بتشربوا تفكروا إن الأكل ده حاجة مؤقتة وهتخلص، وهتفضل حالتكم المزاجية ترجع تاني، فـ يا ريت وأنتم بتخرجوا من حاجة تضايقكم إوعوا توقعوا نفسكم في مشاكل أكبر، يعني ما تبقاش بتهرب من مشكلة فترجع بمشكلتين.

كل وانبسط واشرب وغير مزاجك للأحسن، بس خد بالك، ما تيجيش تكحلها تعميها.
الصحة ما بتستحملش، وهي كل اللي تملكوه، حافظوا عليها.

دمتم مبسوطين وأصحاء.