ماجى مجدى - يا الثورة يا نموت..!


يا الثورة يا نموت..!

بقلم: ماجى مجدى 
"العنوان جنب محطة البنزين، والموقع غير مسؤل"

باشا .....
بس يا حبيبى مش فاضين ورانا مرتبات ظباط و قضاه لازم تزيد مش معقول عدا حبه حلوين و احنا ف دخله مدارس و الاولاد محتاجه 
طب و ولادى يا باشا ؟
انت ظابط ؟
لا ..
قاضى !!
لا .. انا مش م الجهه السياديه يا باشا 
اممممممممممم 
باشا يا باشا 
و النبى يا ابنى اخرس خالص مش فاضين ورانا فضه قد كده بنعد فيها ، ما انتوا لو شعب عنده دم كان سابلنا المرتب كله و احنا نديكوا الفكه لكن نقول ايه الطمع طبع فيكوا ....
طب هو ليه كده ، بجد ليه بتعاملونا كده ، ليه قسمتونا بالطريقه دى ، ليه مصممين تخلونا اعداء ، هو مين الاولى بالخصم من مرتبه ، مش كفايه الضرايب اللى ع المرتب ، كمان هتخصموا ، ليه ؟! ع اساس انهم كام ! باصنلنا ف امل عيشنا بره و جوه ! طب نروح فين ، نهرب بنموت ، نتغرب تطولونا و تطلعوا عين ابونا و كأننا هناك قاعدين جنب فرخه بتبيضلنا دهب ، نشتغل ف بلدنا اللى هو بمرتب لا يذكر بردو متيبهوش ف حاله ، طب نعمل ايه  ؟ 
طب ما انا عندى حلول بديله و حلوه بردو ، سيبوا الغلابه و النبى ، فى وزرا مرتباتهم ع بدالتهم تحل الازمه ، ف قضاه و ظباط لو خففتوا أم المكافات و البدلات الاى بتتصرفلهم بمناسبه و من غير مناسبه الدنيا هتبقى زى الفل ، لو بطلتوا تفتوا فى مشاريع مالهاش أى تلاتين لازمه زى التفريعه اللى ملمتش حق حفرها حتى هيبقى عنب و الله ، لو بطلتوا تبنوا فى سجون و تجيبوا ف سلاح هتلاقوا فلوس تنغنغوا بيها نفسكوا لانكوا مهما وفرتوا و مهما جبتوا ف فلوس فـ فى الاخر بتبقى ليكوا مش هنضحك ع بعض يعنى 😂 . 
اقولك ع حل احسن من كل دول ي باشا و هيتعمل قريب ، هو الثوره ، ايوه احنا فاض بينا ، و هنعمل ثوره ، حاليآ الثوره جوانا قايده نار كده ، تكه واحده و هتلاقينا ماليين الشوارع ، لان كفايه خراب و طمع و فساد لحد كده ، كفايه ي باشا الشعب طفح.