داليا سامي تكتب: كلام هيفرق معاك (٦)


كلام هيفرق معاك (٦)
بقلم: داليا سامي


قبل ما تطلب من حد يحبك أو يقدرك أو يحس بقيمتك، ﻻزم أنت نفسك تكون عارف قيمة نفسك وبتحبها، معاملة الناس ليك هو انعكاس لرؤيتك أنت لنفسك، يعني لو شايف نفسك وحش هتلاقي الناس كمان شايفاك وحش، حتى لو كنت جميل، ولو شايف نفسك جميل من جواك مستحيل حد يشوفك وحش.

أهم حاجة ثق بنفسك، واهتم بيها، واشتغل عليها، ودايما طور من نفسك، وحبها وقدرها، وخد بالك منها، وخد بالك كويس من الكلام اللي بتقوله لنفسك، دايما دعمها وقويها، وقول كلام إيجابي، وخليك دايما أنت مصدر قوة لنفسك وشخصيتك، واوعى تسمح لشخص -مهما كان- يهز ثقتك بنفسك، وأهم حاجة، قبل ما تستنى من حد إنه يثق فيك، لازم أنت تكون واثق ومتأكد من نفسك.

حب نفسك، بس خليك حذر من الغرور، لأن فاصل بسيط يكاد يكون غير ملحوظ بين الثقة بالنفس والغرور.