أحمد الشنواني يكتب: ممكن سؤال؟


ممكن سؤال؟
بقلم: أحمد الشنواني

لو سمحتي ممكن سؤال
ده أنا عندي كلام يتقال
هو انتي ليه حلوة كده
جاوبي ردي ما تسكتيش
انتي يا قطر الندى
شمعة نورها ما يطفيش
بستان ورود حضن ودفا
موج بحر هادي في ليل صفا
دي لغة عنيكي ما توصفيش
يا أم الخدود تفاح والطعم ده حكاية
ده أنا عقلي شت وراح .. ما تحني لهوايا
كل الأطباء اشتكوا ولا عرفوا ليا دليل
سألوني إيه علتك قلت لهم المواويل
وفي نص الكلام وأنا قاعد مع الدكتور
نزلت دموعي تقولش ماشية طابور
صعبت عليه قام ماسح على جبيني ونادى بالمناديل
طبطب عليا الجدع ونصحني بالتحاليل
وبإيه يفيد الدواء يا طبيب والطبع هنا غالب
وفي شط بحر الهوى ما لاقتش ولا قارب