أحمد رجائي - أنت مين



أنت مين !!
بقلم: أحمد رجائي 


أنت مين !!
أنت مش قادر تحدد 
موقعك وسط السنين 
أنت مش قادر تقرر 
كنت فين و وصلت فين 
أنت حاسس بالثبات 
أنت محبوس فى السكات 
أنت أكتر حد نفسه 
حتى يضحك ثانيتين 
أنت تايه جوا نفسك
أنت مش قادر تحسك
حتى فى أحسن حالاتك
بتكون حزين 
أنت مين !!
أنت دايماً رد فعل 
أنت مش قادر تعبر 
أنت مش جزء من كل 
إنت لو تفوق .. تغير
إنت حبة إسقاطات
إنت مفعول من آهات  
إنت واحد كله مات 
لما مات فيه الحنين 
إنت مين !! 
#أحمد_رجائى

شارك المقال

فيس بوكتويترجوجل +


الإبتساماتإخفاء