أحمد رجائي - أنت خايف




أنت خايف

بقلم: أحمد رجائي


جالك وقت وقفت فيه 
مبقتش شايف
و العيون هى اللى تنطق 
بالى ساكتاه الشفايف
..
أنت خايف ..
يوم سخيف بتعيشه غصب
كلام كتير فيه نزف قلب
والسجاير بالتوالى
قهوه ساده و قلب خالى
و الكلام رافض يعدى من الشفايف
أنت خايف ..

أنت خايف يجى يوم 
متكونش خايف
حبة الإحساس يموتوا
وناس كتير م الباب يفوتوا
و الضمير م القهر تالف
.. أنت خايف

أنت خايف م الفراق
أبوك و أمك و الحبايب يبعدوا بدون إتفاق
و السنين اللى ف جيبوك
تتسرق فى لحظة غباء .. و أنت شايف
بس خايف ..

إنتى لابسه الفلصو دبله
و إنتى رغم الهم صابره
بالخناق و بالمكابره
قلبك ليه م الحزن كارف
لسه خايف
لسه الوجع شاطر يخلى 
القلب ناشف
و الكلام رغم إستقامته 
لسه لافف
و الإنسان لسه بإرادته 
جوا منه .. قلبه خايف ..
.. لسه خايف


الإبتساماتإخفاء

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه