مصعب محمد عزت - غرفة رقم 11



غرفة رقم 11

مصعب محمد عزت

انهى وائل المكالمة مع صديقه محروس ونزل مباشرة من شقته ليتوجه إلى المكان الذى تواعدا اللقاء عنده فضل وائل المشى لقرب المكان من شقته وصل إلى المكان وظل ينتظر صديقة وبينما هو كذلك فوجئ برجل ينظر إليه وهو يداعب شعيرات بيضاء فى ذقنه بعدها يلمح صديقه قادما من بعيد اقترب محروس قائلا:اتاخرت عليك ؟
وائل: لاعادى ولايهمك اهم حاجه احكيلى طمنى انت قلقتنى فى ايه؟
انا مش عارف ياوائل فى ايه اصلا فاكر لما جتلى من كام ساعة قبلها النور كان مقطوع وسمعت واحد ماشى امام غرفتى ووقف امام باب الغرفة ولما النور جه مشى وبعدها بشويه أنت جيت .
اه بس أنا لما جيت مكنش فيه حد ماشى أمام الغرفة ولاحتى وأنا طالع السلم 
محروس: ده اللى حصل معايا وأنا بحكيهولك وبعدها اتصل عليا رقم غريب وسمعت صوت بس مكنش واضح بيقول"الحقنى يامحروس"
انت شكلك مرهق جدا يامحروس ومحتاج تنام واحيانا الضغوط الكتير بتولد الوهم !
توهم ايه يابنى ادم بقولك رقم غريب اتصل عليا نفترض إنى توهمت لما النور اتقطع لكن اتوهم رقم اتصل عليا؟! انا هبلغ عن الموضوع ده
استنى بس يامحروس ممكن يكون الرقم مش قاصدك انت 
حتى لو مش قاصدنى فيه حد محتاج إننا نساعده ولازم نساعده ياوائل .
مايمكن ميكنش اى حاجه من دى ويكون فصل من حد من اقاربك أو اصدقائك ؟!
مش عارف ولا عارف اتصرف ازاى ؟
بص انت تروح ترتاح دلوقتى والصبح إن شاء الله نبقى نشوف احنا هنعمل ايه 
ماشى اشوفك على خير 
بعد الإنتهاء من الحديت واللقاء ذهب وائل إلى شقته وإذ بهاتفه يرن ليظهر رقم صديقه محروس .
محروس: انت فين ياوائل انا مش هعرف اقابلك النهاردة !
وائل : مش هتعرف تقابلنى فين ؟!
انت حصلك ايه وائل انت جالك زهايمر ؟
زهايمر؟! شكلك انت يامحروس اللى جالك زهايمر يابنى انا لسه شايفك دلوقتى واتكلمنا ومشينا
يابنى انت بتقول ايه انا كنت بلبس عشان انزل اشوفك جالى اتصال طارئ من البلد فقولت قبل ماانزل اقولك نأجل ميعادنا على ماجى من البلد !
قال وائل ضاحكا يتخلل كلامه الدهشة والإستغراب: بطل هزار يامحروس وخلينا نتكلم بجد شوية .
محروس: يابنى والله انا مانزلت ولا شوفتك ولا اتكلمت معاك اصلا ؟!!!!!
يتبع......




الإبتساماتإخفاء