أحمد رجائى - سامحينى




  سامحينى 

أحمد رجائى 


و فات إمبارح المظلم 
بكل جراحه و آهاته 
و بيكى قدرت أتكلم 
عن الماضى و عوراته 
-
لحقتينى 
-
أنا و برغم أخطائى 
و رغم إنك ما هتلاقى 
فى قلبى مكان نضيف باقى 
-
عشقتينى 
-
أنا العاصى اللى مدعى عليه 
يعيش متساب 
يضيع عمره بصنع إيديه 
بلا أحباب 
و أنا المدمن لنزواتى 
و أنا المخمور 
و ياما صافحت شهواتى 
فى عز النور 
-
سامحتينى
-
أنا مش حمل أوجاعك 
أنا الحضن اللى بيساعك 
أشيل عنك جبال لكن 
ميبقاش قلبى .. 
سابهالك
فـ سامحى
ده قلبى متهالك 
بكل الباقى م الهالك
بقولهالك .. 


الإبتساماتإخفاء