سامح محمود الفيومي - عيد ميلادك




عيد ميلادك - شعر

بقلم: سامح محمود الفيومي

عيد ميلادك 
مش مجرد عيد ميلاد

عيد ميلادك 
بذره تنبت ... ورده تطلع
والمحيط بيكون جماد

عيد ميلادك
أب جاي ومـ بعيد
شنطه فيها لبس عيد
فجأه فرح الطفل زاد

عيد ميلادك 
فل عنبر
يمحي ريح كل الرماد

عيد ميلادك
طير وبلبل .. نور شعاع
جوه روح القلب عشش
ماحي كل هموم سواد

عيد ميلادك 
داعي ربي .. تكون سعيده
والآمال ..
تبقى واقع مش بعيده

عيد ميلادك
كالوطن
بعد فتره من السفر
قلب مؤمن
وسط مليون شيخ كفر
والي بلده
تسعى ليه مليون بشر
قصر عالي 
ميكفهوش 200 غفر

عيد ميلادك
راحه جايه .. بتناديني
بعد دهر من الخصام
يا اللي رمشك .. جوه عيني
شيء منور فـ الظلام

عيد ميلادك 
جاز يكون .. 
لون شفايف ع الجفون
ينبعث منه الجمال
نهر يسقي 
أرض بور 
يكفي نزرع بيه جبال

عيد ميلادك
بير وطالع
وسط صحرا
كان نجاه لإبن السبيل

شاب فالح
وسط فشله
صار يذاكر كل ليل

زفه حلوه .. للعروسه
والعريس شهم وجميل

عيد ميلادك 
كل فرح جديد معاه
ان ربي شاء بحفظه
تبقى روحك ف الحياه

عيد ميلادك 
مش مجرد عيد ميلاد

#سامح_الفيومي


الإبتساماتإخفاء