شيرين زكريا - مكنش فيه داعى



مكنش فيه داعى

بقلم: شيرين زكريا


مكنش فيه داعى تقابلنى ،
لحلم بعيد  تسلمنى
فأصدق نفسي إنى ف يوم
هابص ف عينك الحلوة 
واموت بأمان  فى احضانك 
كان ايه لزومه .. تعشمنى
وتكتبنى وترسمنى 
وفجأة الاقيك بتركنـّى 
فى ركن منسي من قلبك  
رهينة بأمر إحسانك 
وعارف أن مفيش غيرك مصدقنى،
وعارف أنى لو باغرق
 مفيش غيرك هيلحقنى
تشلنى في بالك المشغول 
عنى وعن همى    
ولو حبيت تطلعنى
تطبعنى عالورق دمعة 
فى قصيدة بتحكى  احزانك 
ماكنش فى داعى !!


الإبتساماتإخفاء