سامح على - سمعت الرعد فى ودانى



سمعت الرعد فى ودانى

بقلم: سامح على 


لفى يا عجلة لفى .. اجرى بينا شدى الحيل.

اجرى بسرعة ومٍدى .. لسة مشوارنا طويل
.
اوعى فى يوم تهدى .. وانتى شايلة ابن الأصيل
.
انا عمرى ما أكل وشى .. ولا هاننّى الا العميل
.
جيشى أولى بعيشى .. وعيشتى راضية بالقليل
.
أمنى أحق من إبنى .. وابنى فى مستشفى عليل
.
ابن الاكابر رد قالى .. وانا بعانى وسمعى تقيل
.
العلة يا ابنى مش منى .. العلة فيك يا ابو خليل
.
وليه تركب؟ ما تمشى .. بدل ما تنحنى وتميل
.
ومين غيرك يلف عجلتى .. وانت مطيع اوى وجميل
.
سمعت ولا نقول تانى؟ .. ولو قولنا يبقى نهارك ليل
.
سامحنى انا من زمان بعانى .. وعيالى هما اخر جيل
.
سمعت الرعد فى ودانى .. وانٍشدّ لسانى بفتيل
.
اوعى تزعل يا سيدى .. انا وطنى ووطنى قتيل

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه