محمد صلاح عوض - أول قصيدة في ديوانى



صوت المزمار لسا في وداني

ولون عيونك لسا سحراني

ولسا مشوفتش حرير زي شعرك في زماني

يا ترا عيونك نستنى ولا لسا فكرانى

ابعد واسافر وانسي لكن قلبك هو عنوانى

لسا طبلة الذكريات بتسمعنى آمانى

برغم أوتار الحزن اللى بتعزف فراق أكيد هنتقابل تانى

لسا رافض اوصفك ماضى فى أشعارى

لسا عاوز ارسمك وردة فى بستانى

لسا عاوز ألمحك ضحكة فى أحلامى

لسا عطرك العبير يفوح فى مكانى

لسا أسمك الجميل مفتتح اول قصيدة فى ديوانى

لسا خايف أوعدك يخونى نصيبى وزمانى

عمر ما كان الفراق فى خيالى

وازاى يكون وانتى فكرى ووجدانى

وازاى اتوه عنك وانتى كيانى

وازاى تكونى مش حبيبتى وانتى عشقانى

ومهما خانى فكرى ترجعنى سنينى وايامى

وأقول توبة من حبك لكن حبك كوانى

شارك المقال

فيس بوكتويترجوجل +