محمد خليفه - سَلْ الغلبان






قصيدة ( سَلْ الغلبان ) 

 محمد أحمد خليفه 


🎆 سَلْ الغلبان 🎆

قالها_الغلبان_ولزوجته 

دي فلوسي اتسَّلِّت 
مـ الشنطه معرفش ازاي 

_ خليك كده راجل واستحمل 
انا عايزاك ناي 

تصبح وتقوم زهقان مـ النوم 
تشرب في الشاي 

وتبل مزاجك من ريقك 
تتوكل تمشي في طريقك

 ترجع هتلاقي ابريقك جاهز في الدار

والأكله اللي تملي تاكلها بتجهز عالنار

 والدمعه النازله من النّني وعلامات ربنا بتطمني 

لـ هخِّلي الفرح
في أيامك يشبه اعصار 

ويوزع ورد علي المساكين 

 أوجاعك ديّا
انا هنشلها وهمومك سيبها أنا هغسلها 
من غيري وزيي هيبقالك وباقيلك مين !!

صدقني البَكَره لو اتكرَّت
 هتلاقي الدنيا قوام مرِّت ورجعنا صغار

وهنقعد نفتكر الليله ونغني في غِّنيوَه 
طِويله ونضحك بمرار 

صدقني طول مانت معايا
ومشاعرك دي ملازمه هوايا 

هنعيش ونخلف وهنفرح بعيالنا كبار 
اختارتك ليا وويايا وكان احلي قرار 




شارك المقال

فيس بوكتويترجوجل +