هناء عبد المعز - يلا.. فارق




 يلا.. فارق

بقلم: هناء عبد المعز

انا متكسرش م الفراق
ولا قلمى يكتبلك هجاء
 ولا عينى تصرخلك بكاء
 معدش فارق لو مفارق يلا بيع
 ده البعاد يبقي نجدنا
لو تمنكم فداه حياتنا
 عشان نفتح سواد
 عيوناالمتصابين
  على حب وهم


★★★★
 واللى فارق واللى ماشي
 واللى باع وشكله ناسي
 اللى يجى بكره بعدك
 هيبقي شارى
 والحياه هعيشها احلى
 مش رخاص وكات خلاص
 ولا تشوف تقول رِميه
وكات هافيه
بالعند فيه
 فتستحل وجع السنين
★★★★
ده الفراق يبقى صالح
لواختيارى كله طالح
 زى معالى الكدابين
 فكله ريش على مفيش
 وتوبُه قش ميختشيش
 زى النجيله يتقص قص
 مبيساويش
★★★★

هيمشى واحد هيجى الف
هيكون خيارى لمره صح
للى عارف انه راجل
حمامه زاجل على قلوب المهمومين
 واشوفه سِيد مين يستاهلنى
 مش هبيع نفسي برخص
 لا انت واخدنى تخليص لدين
 ولا إنى معيوبه فى ايدين
ولا انت كاسر ليه عين


★★★★
مش مهم...
 اللى جاى في عيونى احلى
 لما اكون لسه قويه شابه وعافيه
 واللى مثبتش فى مره ليه انه راجل
دُق عليه واكتب نواقص
 نكسرله  قله ولا زير
 الخير كتير
اوعى تشوف يوم ماسيبت
دمعى ضعف وانكسار
دمعى كان هو القرار
انك انت بدماغ حمار
والمشاعر جوه مِنك بالخِمار
متداريه بالف سور
 وميت جدار كأنه حصار
★★★★
 بس هى شويه توجع
ابن الاصول اللى حافظ
 على اللى كان عشره زمان
وانتوا الاصول مش طينتكم
ولا جت سيرتها  جوه بيتكم
 ف ازاى تعرفوها؟؟!
قول بناقص اختيارك جه مصالح
بطيخه حمرا وجبنا منها
نصيبنا فيها طلع موالح
 ولو قلوبنا اتشعلقت
 باللى كان ليها فيكم
وانتوا سيبتوا
فاحنا كمان ماهنتواعدش


★★★★
 عشان بناقص
 تتحسب جوه الرجوله
ويحسبوك علينا  راجل :-(
هوه يعنى كل قميص وبنطلون
 وقف قصادى هيبقي راجل؟انا مفتكرش
التعليم مكنش سهل
والدروس اولها صعبه
واى حاجه هتيجى تانى تحت رجلى
لو مكنش اللى يجى هيبقى شارى
 ليه حافظ والخلاصه هيبقي دارى
  واللى حافظ درسه مره مهيتكسرش


★★★★
من الخساره انك انت فى الرجوله تتعد واحد
 وانت اصلا زيرو كسر بقلب جاحد
والفراق  من اللى زيك ميساويش
واللى يجبر كسر قلبي هو ربي مهينسنيش
 يلا.. فارق


الإبتساماتإخفاء