نوران سامي - هتبتدى الحدوتة




هتبتدى الحدوتة

بقلم: نوران سامي

توتة توتة
هتبتدى الحدوتة
بالصلاة على الزين
ركزوا يا سامعين
بسم الرحمن

كان يا مكان
كان عيل غلبان
صبح و ليل
مع ابوه شقيان

غلا الأسعار
قاد قلبه نار
الأزمة بتزيد
مع قساوة التجار
ملعونة الحوجة للغير

يا عالم انا بنهار
طب العب قمار
و لا اشتغل مع الكبار
ملهومش كبير - غدارين زى البير

يا رب انا راضي بحالي مش حزين
بكره ابنى راضي لما يتخرج / هيعوض شقا السنين
حلم حلمته حققهولى قبل ما اموت
خد بايدي و ايده و قوينا يا معين

بس من اول مقابله راضي اترفض
عشانه ابن سايس عربيات
و توتة توتة
خلصت الحدوتة
يا وطن الشكليات

شارك المقال

فيس بوكتويترجوجل +