حوار صحفى مع الشاعر الشاب محمد سامى صاحب ديوان اسود شفاف



حوار صحفى مع الشاعر الشاب محمد سامى صاحب ديوان اسود شفاف 

ــ اسمك بالكامل؟

محمد سيد سعيد، شهرتى محمد سامى

ــ استاذ محمد : انت شاب فى بداية مشوارك الأدبىعاوزين نعرف سنك بالظبط ومتى بدأت تكتب الشعر؟

٢٣سنة، بدأت بكتابة الخواطر اولا والزجل فى سن الاعداديه، وتطور الموضوع شويه بشويه.

ــ جميل جدا.. استاذ محمد : اسم الديوان ملفت شوية ، عاوزين نعرف ليه اخترت اسود شفاف؟

عشان الحزن مضمون اشرتله باللون الاسود والفرح غير مضمون فااصبح الاسود شفاف بسيط.



ــ استاذ محمد : فى الفتره السابقه بدأت بعض النجوم من الشعراء للظهور وبشدهة على الساحة الادبية، ناوى تشاركهم الظهور ولا هتكتفى بديوانك ؟

انا عندى امل اكون رقم واحد بس فى الاول والاخر دا باايد ربنا وبس.

اــ لشعراء فى مصر كثيرون، من الذى ترك علامه بأشعاره فى نفس محمد سامى؟

عمنا جاهين ونجم دا مفهوش خلاف

ــ ومن الشباب؟

بحترم كل فنان مبدع

ــ جميل، مين له فضل على محمد سامى ؟

بعد ربنا كان كل واحد فادنى المسرح والحفلات اللى شاركت بيها والناس اللى سمعتنى وكان من سبب ظهررى دلوقتى معاك مهيمن اللى ادانى ايجابيه اكمل وحبيبتى.

بــ مناسبة ذكر إسم الشاعر الشاب الرائع مهيمن الهوارى، ايه اكتر حاجه حابب تهديها للشاعر الشاب اذا رأى حوارنا هذا ؟

حابب اهديله جزء فى قلبى واقله انك اخ كبير ليا

ــ الله عليك يا استاذ محمد، انا بحترم فعلا الشباب اللى ما بتنكرش مجهود حد وقف جنبهم
طيب تقول ايه للى بعد ما بيعلى اسمه بينسى اللى وقفوا معاه فى بداية طريقهم ؟

متستاهلش تكون شاعر، الشاعر لسان الناس وحبهم قبل ميكون سوشال ميديا ولقاء وديوان.

ــ بمناسبة ديوان، ديوانك اسود شفاف، عاوزين نعرف نلاقيه فين، يعنى الديوان منافذ البيع بتاعته فين؟

منافذ بيع دار بنت الزيات وفى خدمه طلب الديوان وبيوصلك لحد مكانك عن طريق المندوبين

ــ جميل قوى، دار بنت الزيات من اجمل دور النشر والتوزيع، ممكن تقولنا ازاى وصلت بقصائدك لبنت الزيات ؟

عن طريق صديق ليا فى الدار اسمه محمد محمود، شاعر وشارك فى ديوان مجمع وليه ديوان بااذن الله كمان نازل المعرض

ــ صدور ديوان هو نجاح لأى شاعر، رؤيتك لمستقبلك القريب ايه ؟

بحلم بس انى اكون صوت مسموع ودا حلم اساسى لاى شاعر، او فنان فى المطلق

ــ كلمه تحب توجهها لجمهورك فى نهاية الحوار، تحب تقوله ايه ؟

بيكم هيكون فى محمد سامى

ــ أشكرك استاذ محمد وبالتوفيق ان شاء الله

ربنا يخليك يافندم