حمدى المتعب - ليه الزمان




ليه الزمان

بقلم: حمدى المتعب

ما بين الشوارع
فى الحواري
الناس البسيطة
بتضحك تداري
جواها الدموع
بحور
طفل صغير في جنب الحيطان
دموعه في عينه وقلبه كمان
بيصرخ ويصرخ
دا ليه الزمان
مخلنيش ألعب
مخلنيش أجري
مخلنيش أفرح
وكلو عشان
أبويا معهش تمن اللعب
أبويا أصلوا فقير غلبان
وشباب بسيط علمه بسيط
هدفه بسيط معهش وسيط
يكون له رصيد في وسط الغيلان
دموعه بتجري وقلبه بيصرخ
دا ليه الزمان
مخلنيش أكبر في شغلي
وأكبر في بيتي
وأكبر في نظر الجيران
وكلو عشان
يدي عفيفة ونفسي عفيفة
نفسي فـ دنيا أعيشها بأمان
وراجل عجوز كهل وكبير
يلف يدور معهش سرير
جارحين كرامته إهانة كتير
دموعه بتجري وقلبه بيصرخ
دا ليه الزمان
في حكم الزمان لازم تلاقي فقير
عايشين ومش عارفين إيه المصير
في بلد فيها الفقير متهان
شخص عايش مش لاقي القرش
وغيره في الدسكو مع النسوان
إرحم يارب بلد
فيها فقير فيها غلبان
والعلم ليس أساس والطيبة كمان
حاجة جميلة
برواز معلق فوق الحيطان
بس فيه حكمة في بحثنا عن الحقيقة
بندور علي القاتل والقاتل أصلا هو الإنسان
دا ليه الزمان

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه