دعاء الشعراوي - تطوير المرأة المتزوجة لحياتها المهنية والعلمية



تطوير المرأة المتزوجة لحياتها المهنية والعلمية (1)

بقلم: م. دعاء الشعراوي


 السلام عليكم ورحمة الله وبركاته، اهلا بيكم في أولي مقالاتي لهذه السلسة  بعنوان: 

بعنوان

            احم

                              احم

                                             لا منستش العنوان متقلقوش

                                              هو

                                              هو

                                   مش قادر اقولها !

ماتقول يابنتي العنوان واخلصى

بعنوان تطوير المرأة المتزوجة لحياتها المهنية والشخصية

خلصنا من العنوان حد فاهم حاجة؟

لا طب تمام

هناقش مع بعض قضية مصيرية للمرأة الا وهي تطويرها لحياتها المهنية والشخصية بعد الزواج والانجاب وكدهون يعني :)

النظرية بتقول ان المرأة دي انسان له كيان خاص بيه وطموح شخصي وعلمي ومهني عيزة تحققه في حياتها سواء قبل الزواج او بعد .

وعيزة يكون عندها اصحاب وتخرج ويكون ليها ارادة حرة

علي فكرة دي طبيعتها ال ربنا خلقها بيه .يعني المرأة مش موجودة في الحياة مكمل   ليها ولا سد خانة .

رئي الزوج في عمل المرأة او اكملها تلعليمها-لو لسه بتتعلم  منهم ال يقول لا مراتي عيزها في بيتي وتربي عيالي ومتخرجش من البيت  الا معي

ده ال هو ازاي حضرتك!دي مش انسان الي متبرمج علي مهام معينه دي روح ربنا خلقها حرة في حياتها وحرة في ارادتها حتي لما اختارتك زوجك ليها كان بحريتها المطلقة

وفيه النوع التاني الدبلوماسي ال يقول اوك لو عيزة تشتغلي بس متهمليش في بيتك بمعني اغرقي بئا في حرب انك تحققي طموحك الشخصي وفي نفس الوقت مسؤلية البيت والاولاد كاملة فوق كتافك ولو قصرتي يقولك اهو ده ال بناخده من الشغل بتاعك .ده ال هو نعم يعني !هو البيت ده مش مسؤلية مشتركه

الرسول صلي الله عليه وسلم كان حاكم الامة وكان بيبلغ رسالة الاسلام وفي نفس الوقت كان بيساعد زوجاته في البيت. !

يعني مهما كان شغلك اكيد هتعرف علي الاقل تساعد نفسك في احتياجاتك في البيت زي فنجان القهوة اوالشاي  او

 تكون غير متطلب في البيت اصل هي مش الفلبينية بتعتك .اكيد بردوا عندها  طموح عيزة تحققه زيك وعندها عمل  عيزة تطوره

ليه متكنش انسان سوي وتكون مؤمن بالعلاقات السوية بين الزوج والزوجة وان لكل واحد احتياجاته مش انت بس ال عندك احتياجات لا هي كمان علي فكرة.

علي لسان ستات مصرية متزوجة ولديها اطفال:- قالبت أمرأة متزوجة وليها ابنة علي الرغم من انهم من سكان القري  وهي ايضا غير متعلمة الا انها قالت لي مصرة علي انها لن تزوج ابنتها الا بعد التعليم الجامعي

واخري قالت لي (شهادة تعليم البنت وشغالها اهم من الف زواج).

واخري متعلمة تعليم جامعي ومتزوجة وتعمل وام لاطفال قالت لي(الشغل للبنت المتزوجة تعب جسدي بس راحة انها بتعمل حاجه لذتها .والقاعدة في البيت تعب نفسي وراحة جسدية)

.فاختاري ايتها الانثي بين ان تتعبي لاجل تحقيق ذاتك او تظلي ك اي شي مهمل ليس له ذات او هوية خاصة به.نحن جبلنا علي العمل حتي  ان العمل عبادة لذا هيا معي حتي نبداء حرب علي الذات لانعاشها .

أمثلة علي أزواج واقعيين نتمني يكونوا  كل الواقع الذكوري بعد كده:-

يالله علي زوج يطلب من زوجته ان تهتم بعملها وتعمل دائما علي ان تكون متطورة فيه.

او زوج يحث زوجته علي اكمال تعليمها الجامعي  او ان تجد شغفها في عمل ودراسة وهواية تحبها.

اخر ثلاث نماذج دول بجد موجودين معانا في الواقع بس قليلين.بس اي بنت في الدنيا تقدر تعمل ال هي عيزاه لو هي مؤمنه انه هيكون سبب سعادتها لذلك استخدمي ذكائك لاقناع ما حولك وخاصة زوجك ان ما تفعليه سيجعلك ناجحة وسعيدة  لا مجرد بشر موجود عدد في الدنيا مثل الكثيرين.

دمتي دائما سعيدة وناجحة ومشرقة كالشمس

اي حد حابب يشارك برئيه في الموضوع ده الايميل بتاعي يسعدني مناقشته معه

Doaa.elshaarawy@yahoo.com