عمرو حسن - رقم نفسي امسحه



رقم نفسي أمسحه

عمرو حسن 

ودايماً فيه رقم 
نفسي امسحه لكن 
لو شيلته م التليفون 
جوه الوريد ساكن 
هو احنا ليه اضعف من اننا ننسى
ولا مننا نقرّب ولامننا بنقسى 
ازاي نكون مجاريح 
ونسامح الجارح 
كان قلبي نبضه صحيح 
لغاية امبارح 
الحب مين مع مين 
والله مش باين 
بيخوّن العاشقين 
ويبرأ الخاين 
علشان كده فيه ناس 
يستاهلوا نجرحهم 
لكن جبان قلبنا 
ماقدرش يمسحهم .

شارك المقال

فيس بوكتويترجوجل +


الإبتساماتإخفاء