هناء عبد المعز - علاقات من الاخر خلصانه


هناء عبد المعز 

ما تحاولوش تكملوا فى علاقات منتهية عامل زى اللى بيجرى فى الصحرا عشان واحد قاله لو لقيت كوباية المية هكمل معاك الطريق!!😎
لا انت هتلاقى كوباية المية ولا هو هيكمل
حقيقى لما طرف بيقرر تنتهى العلاقه لو ولعت صوابع العالم كلها شمع برضه هتنتهى متستنزفش طاقتك فى محاولات استحااااله تكمل متحاولوش تعملوا فوق فوق فوق الطاقه عشان برده مش هتكمل وده مش عشان استحاله تكمل ده عشان طرف قرر انك مش هتكمل ولو فى احتمال ١٪يكمل مكنش وجعك افهم بقى 😕
عامل زى اللى بيجرى من بعيد عشان يلحق الفازة اللى محطوطه على طرف الطرابيزه فضل يجرى بكل قوته واول ما وصل وقعت اتكسرت من اول شوية هوا ولو موقعتش
من الهوا هو حطهاكده تلكيكه عشان يقول انك السبب
 وبررررده اتكسرت و ياريت الطرف اللى قرر انه مش هيكمل هيعترف  بأذيته ليك او حتى الجرائه فى الافصاح انه السبب
ولكن هيطلعك غلطان انت متخيل كم الألم اللى سببته لنفسك فى حاجه من الأخر خلصانه؟؟!👎
والعلاقات اللى زى دى نهايتها اقرب كتيررررر من انك تكمل المسافه الاقرب مواجهة نفسك بالحقيقه وتقبل الوضع احسن ما تخدع نفسك وبررررررده الفازة هتتكسر بس هتتكسر على قلبك فخليك جدع وخدها من قصيرها احسن لك✋
#من الأخر خلصانه
#متتعبش نفسك

شارك المقال

فيس بوكتويترجوجل +


الإبتساماتإخفاء