ماجد يحيي صادق - أوتار كماني الأربعة


أوتار كماني الأربعة 

ماجد يحيي صادق


النص ده للي انجرح 
من نفس قرر عشقها 
والنص ده مش م الخيال .
لكن غريب ...النص اقرب للعجيب 
دا النص وارد من عزابي لحبها
بكتب ب اوتار الكمان 
عن حب جمع شملنا وقت الالم 
او كرة اصلا بنا قرر يتعلم 
بكتب حروفي بلحن جي من العدم 
او من حكاية ف قلبنا 
كل اللي فيها بيتعدم من غير بداية للكلام 
من غير مانعرف حتي مين اللي اتظلم 
اصل اللي بنا ماضي اقوي م الالام 

اول وتر 
بكتب عن النظرة اللي خانت طبعنا 
اول لقُي 
كان صعب كل الناس تحس ب دنيته 
بكتب كمان
عن ضحكة كانت فرحته لما انجرح
او دمعة كانت كسرتة وقت الفرح 
اكتب عن ايه 
كان جوه قلبه شعور لا يمكن ينشرح 
تاني وتر 
اللحن زادت بهجته
اتعرفوا واتكلموا كانت صداقه عن قريب 
بيصحارحو بعض ف كل كلمة بتتحكي 
كان شئ غريب 
دا الحزن كله بيتمحي /وقت اللقي
اوقات كتير اتجمعوا 
كان هو حابس فرحتة 
خايف عليها تروح بعيد 
تعبان اكيد 
تفكيره زاد 
عايز ف يوم يصبح سعيد 

تالت وتر
كل المشاعر فجاه واحدة اتجمعت 
واللحن اصبح صوته اقوي م الخيال 
اصبح وتر ... دايب ف اوهام الخطر 
خايف يلحن لحن مايفوقش الجمال 
يعزف عن ايه 
اصل الوتر حابس مشاعر من زمان 
واللحن قرب ينتهي 
قرر يطلع وقتها 
كل المشاعر م الكمان
والحب بينهم يبتدي

رابع وتر
اللحن غابت بهجته 
اللحن اصبح جرح صانع دمعته/وسط الجميع 
اللحن غابت بهجته ... والحزن اصبح شئ بديع


الإبتساماتإخفاء

هام جدا

السادة قراء، وكتاب موقع ورقة - war2h الكرام

خلال أيام يتعرض موقع ورقة للتوقف نظرا لحلول موعد {التجديد السنوي للدومين سيرفر} الخاص بالموقع.

لذلك نطلب من محبي موقع ورقة ومتابعيه قراء وكتاب، بالمساهمة الرمزية لضمان استمرارية دعم الموقع للكتاب الشباب وخدماته المختلفة والمجانية.

للمساهمة من خلال

- فودافون كاش: 01065704571
- اورانج موني: 01277756120

للاستعلام عن الوسائل الأخرى المتاحة

يرجي مراسلتنا عبر واتس اب على اى رقم من الارقام عاليه