أحمد الشيخ - من بعد 12 نص الليل - خواطر عامية



من بعد 12 نص الليل
 الصوت هادى والجو جميل
ده معاد هلاويسك الصادقة
أسألتك اللى بدون إجابات
موعد تفجيرك م  الحُرقة
او تجهيزك للبدايات
....
وبتجبر احيانا وبتضطر
انك تختار
افهم ياحمار
مش كل بداية جميلة
ومش كل نهاية دمار
..........
فيه نهايات حتما  هتكون
هى كدة تفعيلة الكون
تركيبة المشهد والحبكة
تستلزم ان العالم مجنون
وان الليل بيجر نهار
تستلزم ان المشهد ينهار
..........
من بعد 12 نص الليل  
ولحد الصبح بفعل اليوم المقلوب
تتحجج انه بسبب القهوة
او مرة لانك نمت كتير
وبتهرب من تفكير ياخدك تفكير
وتتوه فى شوارع ذهنك والماضى
والأوجع ان ده كله ع الفاضى
وتصارع نفسك وتصارح
انا لسه منمتش م امبارح

صوت جواك اكبر منك
وحكم وحاجات بتروح منك
وسنيين بتزود عداد  سنك
......
عدادك بيلف بسرعة
وايديك بتدور ع الجرعة
ومحدش حاسس بيك
ما انت خلاص
بعت اللى شاريك
دور حواليك
مش هتلاقى غير فنجان القهوة
وشوارع ذهنك والماضى
والاوجع كل ده ع الفاضى


الإبتساماتإخفاء