سماء عماد - الأفوارة


بقلم: سماء عماد 

في نوع كدة من الأفوارة انا فعلا مبحبوش، الناس اللي بتبقى متبنية فكر (اختاري اللي ينفع يبقى اب لولادك قبل جوزك واختاراللي تنفع ام لولادك قبل زوجة)

ثانية واحدة بس من فضلكوا وبالراحة كدة ✋

هوا الكلام ده جميل على عيني وراسي بس مش منطقي نهااااااائي بالنسبالي 😊

ازااااااي ممكن اختذل نفسي ورغباتي واختياري على احتمالات لسه في علم الغيب معرفش مقدراته وامكانية حدوثها او لا؟؟!!

ليه ابقى بفكر اساسا في اولادي من دلوقتي؟؟

مفروض دي حياة لسه ببتديها وانسان مفروض اختارته قبل وجود اولادي من عدمهم عشان هوا مناسب ليا وهيخلي شكل حياتي افضل بالتالي هو الطبيعي ان اختاره ينفع ليا الاول وصالح ليا وللعيشه معايا ومشاركتي حياتي قبل ما يبقى أي حاجة تانية  😊😊
ليه بننط في الأحداث والألقاب...اختياره زوج صالح بيخلي كدة كدة في امكانيه ان يبقى اب صالح بردو

الملخص ان فكرة مسلسل نكران الذات المستمر واختذال الحياة من قبل ما تبدأ وفكرة التضحيات المستمرة في الاستمتاع حتى بابسط الحقوق ان تتبسط مع جوزها وبركز على لقب (جوزها ) قبل ما ياخد لقب (أب) وتتوالى بقى التضحيات في ان تبتدي تسخر حياتها كلها لاولادها وبيتها وجوزهاا ونكران نفسها تماما واختذال حياتها وسعادتها في حياتهم وسعادتهم ونجاحاتهم هما وتشوف ان ده من سعادتها وان نجاحهم ده نجاحها...والله بحملهم كامل التقدير والاحترام بس مبشوفوش صح انك تبقي عايشه دايما دور الضحية والانسانه اللي عطاءها ملوش حدود وممكن تبقي بتيجي على نفسك جداااااا لمجرد انك تشوفيهم سعداء....انتي ليكي حياتك ومن حقك تحققي نجاح شخصي بتاعك انتي جنب نجاح اولادك وبيتك..ودي مش انانيه ده اسمه توازن وعدل وميجيش عليكي كإنسانه

اختاريه زوج صالح ينفع يعيش معاكي وتتبسطي معاه قبل ما يبقى اب لولادك

واختارها زوجة صالحة تعيش معاك وتتبسط معاها قبل ما تبقى ام لولادك......ده المنطقي


الإبتساماتإخفاء