مصطفي مقلد - الهطول




الهطول

مصطفي مقلد




القلب تعبان م الغياب
احضري للكون سنابل
ادخلي من أي باب
القلب قابل
لسه فاضل بين طلول الروح موده
بس بيني وبين وجودِك ..
ألف مُد وألف مُده
وارتعاشة خوف وِوَحشه
وانسحاب للأمنيات
واعترافاتي بهزيمتي
آخر الصيف اللي فات
فات عليكي كام رسول بالشوق مادلك
عـاللي فيها
كام قصيده قلتهالك من يوميها
كام قصيده ف روحي لسّه فـ انتظارك
لسّه فـ الأيام فاضل لِك
لسّه فاضل عمر تاني
فات عليكي كام حكاية عن لساني
لحن ف الخلفية خافت
كل مادا يمد فيا
لحن رد السمفونيه وخد مكانها
وبهوايا وغصب عني خد مكاني
...للمواجهة
والتراجع والمواجهة
كل وجهه لخطوتي كانت تجاهك
عمر نبض الروح ماضلك
واسألي الأشواق .تقول لِك
ليه هطول الشعر رافض
غير يكون لِك

شارك المقال

فيس بوكتويترجوجل +


الإبتساماتإخفاء