أحمد رجائي - ورد أبيض







اللى ضايع منك أغلى 
من مجرد شيئ جماد
اللى ضاع بدون مبالغه
نُص عمرك فى البُعاد

حتة القلب اللى ماتت
ريحة الذكرى فاتت
و الكلام بالغصب ساكت
و أنت مشتاق للبلاد

كل حاجه فيك مريضه
ريحة الأمان بعيده
نَفسك فى الزحمه وحيده
و أنت معجون بالعناد

لسه بتدور عليها
لسه نَفسك بتناجيها
و أما بتنام بتناديها
و لسه عشمان فى الوداد

إقطع الحبل اللى علق
قلب حَبك بإجتهاد
و إوصل الشوق اللى فرق
ورد أبيض ع السواد

و إرجع للوطن اللى عاشك
و إنت مطعون بإضطهاد
إمسك الإيد اللى طبطب
بيها ربك ع الفؤاد

و إفتكر ..

دايماً البنت اللى حبت
هى أطيب العباد ,,,


الإبتساماتإخفاء