داليا سامي تكتب: كلام هيفرق معاك (١٢)


كلام هيفرق معاك (١٢)
بقلم: داليا سامي


الناس نوعين، نوع بيعيش حياته، و نوع تاني حياته هي إللي عايشاه، في الحالتين ما فيش حاجة هتتغير، بس الموضوع كله هو إنك هل بتحاول تستمتع بحياتك ولا عايش وخلاص، بتفكر إزاي تسعد نفسك وسط كل إللي بيحصل، والموضوع مش محتاج تكاليف لأنه إحساس جواك لو وصلت له مفهومك للحياة بيتغير، وبتتقبل، وكمان بتعيش مبسوط؟ الإحساس ده في الرضا، وثقة بالنفس هتخليك تعرف معنى السلام و الطمأنينة، مش هتتهز للأحداث بسهولة، هتبقى راسي أكتر، وبالتالي أي تغيير يحصل هتعرف تتعامل معاه، وهتلاقي نفسك بتكتشف حاجات في نفسك ما كنتش تعرفها، وهتبقى مبسوط بحياتك.

الكلام يستحق التجربة؛ لأن الحياة ما لهاش إعادة.. (كلمتي الدائمة).