منى ياسين - أنانية رجال لأعلى سعر


أنانية رجال لأعلى سعر

 منى ياسين

هشام: عمره ما اهتم بجميلة ولا حتى سألها مالها.. بالنسبة له الحياة المرفهة انها تعيش معززة مكرمة في بيتها تربي بنتها.. هو كده عداه العيب.. لكن مش مهم هي حاسة بإيه.. حتى مع ليلى برضه أناني ومافكرش يجيبلها شغالة غير لما صديقه اقترح عليه.. مافكرش هي بتجيب وقت للشغل والبيت ولبنته منين أهم حاجة هو تمام وهي طالما ما اشتكتش برضه تبقى تمام.
• رامي: زوجته مش طايقاه وخانته قبل كده مع أخوه ورجعت خانته تاني مع زميله وهو ولا الهوا.. عادي يعني مالها ماهي كويسة.. حتى لما طلبت منه الطلاق توقعها زعلانة علشان خبى عليها حقيقة انه مايقدرش يخلف.لاعمره خد باله إنها بتخونه ولا انها متغيره معاه حتى لما عملت اجهاض ولا انتبه لده، ويوم ماحب ياخد رد فعل راح اتجوز واحدة مايعرفعهاش من البار وكأن ده رده على طلب عبلة للطلاق!. بارد وغبي وأناني.
• عبدالله: أهم حاجة مزاجه.. ينام مع زوجة صاحبه عادي ويخرب لها حياتها اكتر ماهي مخروبة ووقت الجد خطب اللي بالنسبة له واجهة مشرفة.
• كريم: النصاب الكبير اللي بيعترف عادي جدا قدام اي حد انه نصاب كان أناني لدرجة انه باع أخته وخان لطيفة اللي خيرها عليه.
- مخلوف: بعد طلاقه شال نفسه تماما من مسؤولية ولاده ولولا ماجميلة كانت هي اللي بتوده وتسأل عليه هو عمره ماكان هيسأل عليها.. هو برنس في نفسه كده اللي يزوره يرحب بيه واللي مايتواصلش معاه هو مايفتكروش أصلا.





الإبتساماتإخفاء